(1976, Руски Керестур-Нови Сад). Дипломовал на Катедри за руски язик и литературу Филозофского факултета у Новим Садзе. Заняти є як новинар РТВ. Пише поезию. Писнї обявйовал у Литературним слове и МАК. Твори му обявени у кнїжки "Триолоґия" (МАК, 2006) и "По нїткох Михалового лєта" (Пивнїчна: Польска, 2009). Достал награди "Александра Духновича – Златни медведз" (Торонто, 2007) за кнїжку "Триолоґия" и специялну награду на Медзинародним литературним конкурсу "Сон о Карпатских горох" (Пивнїчна: Польска, 2009).
“Без огляду на високу меру критичносци, тот увод антолоґичара нє треба похопиц як бешеду процив младей ґенерациї. Напроцив, намира антолоґичара охрабриц авторох най ше точнєйше препознаю, випросца у себе и обявя свойо перши, други и треци кнїжки. Кажде бависко, та и творче, вимага овладац зоз виковним искуством тей файти бавячох, та вец надбавиц предходнїкох.”
Юлиян Тамаш
Пребарз благи бул академик Юлиян Тамаш у своїм уводу до його остатнєй видатей Антолоґиї. Пребарз благи и нє критични по тоту миру же би наисце нагнал лупетачох, плаґияторох, модификованих ресавцох-прекладачох, менталних мастурбаторох и другу челядз цо заступена у Антолоґиї, же би ше уж раз зохабела тастатури на компу, чи ноутбуку и престала, нїби, потайно бомбардовац редактора, чи ушорйовача литературного корова, пребачце, слова, зоз своїма полуписменима шориками словох за хтори твердза же то литература.
Continue reading “БАЧИКОВ ВИНАЙОВ БАТОГ” »
