Books
Шпацири по сподку дунца
УВАГА: +18 Содержай тей кнїжки може угрожиц интеґритет малолїтних особох,як и їх здравствени, морални, интелектуални и социялни розвой. ВИРИВОК: Треба ми єдна чежка и швидка позауха. Сцекам оталь. И нє волай чорта. Треба ми єдна огромна пляска, позауха, най забудзем же сом бул на одзелєню за говняни педаґоґийно психолоґийни науки. Ганьбим ше питац позауха од уґурсусох коло мнє, случайних преходнїкох на улїчки, гоч верим же би ми нє дзбали таку услугу поробиц з оглядом як ме мержа патраци на мнє. Шпиртам по кишенки и находзим другу часц таблети котра ту остала од нєпорозуменьох на семафору и нїч, з навекшим уживаньом ю кладзем на язик, фодбалуєм ше зоз ню у пискох и лїґам. Гух, такой мир, гоч ище анї нє почала.
ДЗЕЦИ З УРБАНОГО ГУМНА
До Антолоґиї литератури ґенерациї 1990-2010, ДЗЕЦИ З УРБАНОГО ГУМНА, вошли вибра- ни авторе котри творели у назначеним периодзе, углавним як млади и нєафирмовани. Вибрани, насампредз, публиковани твори зоз часописох и новинох МАК, Литературне сло- во, Шветлосц, Календар, алє и зоз нєформалних новинох, такволаних фанзинох. Заступени и авторе котри маю свойо окремни кнїжки, наградзовани авторе и їх твори, як и гевти котри ше длугорочно зявйовали по младежских манифестацийох и фестивалох як цо то Дньовка, Костельникова єшень, Митинґ поезиї.
Хто остатнї Чачи
Боки фанзина «Глас Ректума» дзеведзешатих були полїпени на кабини ди-джея у диску у Руским Керестуре и по даскельо годзини людзе там стали и читали нове число. Тераз роздумайце чи ше дакеди дацо на руским язику так читало После рокох и рокох чеканя, збераня праху и после вельочислених атакох “зуба часу”, после Пиндара, Софоклея, Пруста, после Шилерових естетских «теоретисаньох» и дефинованьох естетских катеґорийох, после Розенкраньцовей теориї “естетики бридкого”, после индустрийно-технїчних револуцийох, шветова литература и вообще науки о естетики, швет достава цошка дотераз нє видзене, нє наградзоване, а вшелїяк аж барз потребне. Мирко Горняк - ака Коле, ака (2) - Комшо, конєчно после шицких бурйох и биткох и войнох цо водзел, конєчно достава кнїжку своїх инфантилних поетских деґутантних амалґамох.
