О авторох

Владимир Фейди aka Vladimir (1983), з Руского Керестура. Автор композицийох Керестурски штири дзвони (ambiental) и Voice (Asteriod B-612). Професийно ше занїма зоз класичну музику, зоз електронску лєм аматерски. Гвари же є початнїк у електронскей музики, котру компонує кус вецей як єден рок.

Бранимир Боянович aka Bozne (1984), з Руского Керестура. Автор є композицийох Moshadd (dubstep) и Vodova (dubstep). Студент ветеринарскей медицини у Новим Садзе. Анґажовани є на фестивалу Водова-фест, а так наволал и ґрупу под котру видати тоти два нумери. DJ-инґ му гоби.

Деян Мецек aka Yandee (1985), з Руского Керестура. Автор є композицийох Pipelines (experimental beat) и Wooden cart (minimal ambiental). Квалификовани роботнїк. Активни є на Водова-фесту и журкох у Руским Керестуре. DJ-инґ му гоби.

Даниєл Сеґеди aka Svekar (1985), з Петровцох (Република Горватска). Автор є композицийох Nes pop (electro clash) и Genesis vamp (electro clash). Наступа под назву ґрупи Svekar. Студент. Зоз електронску музику почал ше занїмац 2005. року, а инспирацию находзи у видео бавискох. Нє трудзи ше буц жанровски одредзени, важнєйши му власни стил. Линк: www.myspace.com\svekar

Иґор Орсаґ aka Sub & Electrofilica Colective (1983), з Нового Саду и Мексика. Автор є композицийох Dr Hor Dro (-) и Familia (-). Композициї настали як взаємни допринос прейґ интернета авторох з Нового Саду и Мексика. Професия – дизайн, аудио-видео.

Игор Беук aka Billy (1983), з Нового Саду. Автор є композицийох Raw saw (techno) и Gods groove sequence (full on). Роботнїк. Зоз електронску музику ше занїма од 1996. року и перше ше интересовал за acid house. Нє жада буц DJ, волї компоновац. Линк: www.myspace.com/tehnobeuk

Сашо Палєнкаш aka Šakneljap (1979), з Руского Керестура. Автор є композицийох Going up going down (-) и Kamenje (electro mix). Иншак познати як лидер ґрупи Paradox. Активни є на сучасней културней сцени: Водова-фест, Дньовка, МАК. Вецей ше занїма з рок музику, линки: www.myspace.com/paradoxrk