Владимир Фейди
Керeстурски штири дзвони:
Добри CHILL-OUT. Покус минималистични приступ и чкода же вируцена бас линия у остатнєй штварцини нумери. Зоз добрим миксом, добрим KOMPRESS-LIMIT, тота композиция би могла вицагнуц автора з анонимносци.
Voice
Нумера почина як CHILL-OUT, алє вас схопно спрeведзе у самим старту, бо познєйше преходзи до HOUSE, та и до BREAKBEAT. Шицки похвали за добре поробени микс и постояцу тему. Идею нє будзем детально описовац – у двох словох: ма смисел.

Бранимир Боянович aka BOZNE
Moshadd:
Нумера котрей подлога BREAKBEAT зоз елементами TRIP-HOP, алє без вокалу. Звучи барз задоволююцо, цо ше дотика продукциї, и здогадує на даяку тему зоз филма. ELEKTRO синт добре звучи, гоч дава упечаток же ше цали час круци лєм єден LOOP.
Vodova:
У тей нумери тиж так маме BREAKBEAT ритмичну подлогу и продукцийно би ше ю могло положиц на уровень зоз предходну, гоч ю вокали етикетую як лєпшу и интересантнєйшу. Електро звук у BREAKBEAT то нїч нє нове, алє го треба знац уклопиц. Кед би звук у тей нумери бул дакус мегчейшого карактеру, прилапел бим ю аж и у CHILL OUT SESSION. Обчекуєм у будучносци озбильнєйшу продукцию и намаганє дачому веселшому.
Деян Мецек aka YANDEE
Pipelines:
Нумера досц худобна зоз каналами, плїтка ритем секция. Шицко вєдно звучи як даяки MINIMAL, гоч би продукция требала чкжиц лєпшому уровню.
Wooden Cart:
Тота нумера уж лєпше звучи. Дакус маснєйши KICK, гоч у цалокупним миксу превельо басу. Досц нєобична нумера, и звук и тема интересантни и повед бим же ше ту можебуц роби о новим напряме TECHNO CHILL.

Даниєл Сеґеди aka SVEKAR
Genesis Vamp
Наисце нє знам точно дзе бим класификовал тоту нумеру, часточнє HOUSE подлога, TECHNO бас (дакус премоцни), електро звуки як здогадованє на TECHNO (уф, алє сом го закруцел). Заш лєм, шицки похвали за тему котра ше прецагує през цалу нумеру, нажаль, без BREAK.
NES POP
Пре специфични звук, нумеру чежко анализовац у параметрох котри сом ту поставел. Шицко випатра яґод наруцани звуки зоз бависка PACK-MAN.

Иґор Орсаґ & Co.aka ELECTROFILIA COLLECTIVE
Dr. Hor Dro:
Нумера зоз найвецей звуками зоз компютерских бавискох котру сом до тераз чул. Єст вельо меняня стилох ритмох (BREAKBEAT до DRUM’N’BASS) и за мой смак – пребарз чудне.
Familia!:
Звуки у нумери звуча якошик „пребуджено„, та прето нє можеце достац праву слику о теми котра одграна. И ритем секция „плїтка„. Перше – менєй ефекти, а друге – дакус ю погрубшац и будзе добра DRUM’N’BASS нумера.

Ди-джей Бесеременї Петро – Пезос